- admin
- همسات, يوميات اسلام وهمس
- الزيارات :
يوميات اسلام وهمس .. المقدمه وارشيف الحلقات
الصفحة الرسمية لـ اسلام خامس علي الفيس بوك تقدم , ,
آسلآم & همس
فى كوميديآ سآخرة
في الحلقة السابقة خرج اسلام وهمس علشان يروحوا الشغل بعد خناقه عنيفة جداً جداً
الحلقة الثانية ,, يوميات اسلام وهمس
ضيف حلقة اليوم : عبـده … للمعلومة .. عبدة صديق حقيقي لـ اسلام خامس ومن الشخصيات المحترمة واللي بتجمعة بينه وبين اسلام صداقة قديمة واسمة الحقيقة عبد السلام صابر . . يبلغ من العمر 27 عام من مواليد القاهرة يعمل بوزار العدل .. وتم اقتباس اسمة فقط بداخل المسرحية وجميع الاحداث الوارده بالمسرحية خياليه ولا تمت للواقع بصله
” خرج اسلام و همس علشان يروحوا الشغل “
همس : شايف الجو حلو ازاى مش بيفكرك بحاجة ؟
اسلام : بيفكرنى باليوم الفقرى اللى شفت فيه وشك .
اسلام :بت استنى اروح اجيب سندوتشات و اجى
” ووقفت همس تستنى اسلام فالشارع لغاية ما يجي الاكل ويجيبه “
” وهى واقفة سمعت حد بيتكلم وراها “
عبده :انتى يا قمر يا ام عيون جريئة ما تحن علينا شوية يا جميل انت بس ترضى و انا اشغلك السى دى روم عاطفى للصبح احبك يا ابيض .
همس:ايه يا شبر و نص يا دبان يترص و شووووووووووووووووووبش.
عبده :ايه يا بت يا مستقوية ياللى يبيعوكى فسوق النسوان برغيف طعمية .
همس : انا برضو يبيعونى برغيف طعمية يا ملوخية من غير تقليه يا بن سنية المفترية .
عبده : مين عرفها اسم مامى دى .
همس :يا اسلااااااااااااااام تعااااااالى
اسلام :انا جيت مالك يا بت
همس: فى شئ بيعاكسنى ماليش دعوة اضربه وخدلي حقي دلوقتي .
اسلام : عاكسك انتى لا معندهوش نظر هو فينه طيب .
همس:هو اللى لابس بنطلون برجل حمراو رجل خضراو تيشرت اصفر دة .
اسلام :الله يخرب بيتك دة عبده صاحبى …….. يا عوووووووووووووبد
عبده :ابو السولم ازيك ياض انت فين كدة مش باين .
اسلام : اهو ربنا رازقنى ببلوى مش عارف اروح منها فين .
همس : بقى كدة و اقفين انت وهو تحبوا فبعض بدل ما تضربه يا اسلام و الله لاوريكم” و تزعق همس “ بقى كدة تخدشوا حيائى و اسيبكم ….حراااااااااااااامى
” من الواضح ان همس هزت مشاعر الحارة و اسلام و عبده اتبهدلوا انتوا عارفين الشعب بيحب يجامل “
عبده :اااااااااااه اااااااه مش عارف اقول اه من ايه و لا ايه رجلى ايدى قفايا منخيرى.
اسلام :صحيح يا عبده دة قفاك شال عنك لما قال يا بس.
عبده :بقولك ايه انت متتكلمش خالص و خد اللى فاكرة روحها 7 نسوان فبعض دى و امشوا يلا من هنا .
اسلام :يلا ياختى مبسوطة انتى و فرحانة شكلنا هنترفد من الشغل بسببك
همس :نترفد مين يا بنى فشر انت ماشى مع همس يا حبيبى .
اسلام : يا بنتى الشغل مش يقف على حد اليومين دول دة ما هيصدق يقولنا برة .
همس : انت بس متعرفش حاجة و لا مقدر قيمة نفسك داحنا خبررررررة.
” خلاص وصوا المحل “
.صاحب المحل : اهلا بالبهوات انتوا شرفتوا
همس : يا فتاح يا عليم يا رزاق يا كريم .
اسلام : ” مبتسم “ صباح الخير يا باشا
صاحب المحل : هو هيجى منين الخير طول ما بوزكم النحس دةموجود عمرى ما هشوف غير ابدا
همس : لو سمحت من غير غلط احنا الف محل يتمنانا
صاحب المحل : طيب يلا يختى انتى و هو بالسلامة
اسلام: اعمل فيكى ايه اخرسى خالص و امسكى لسانك دة معلش يا جميل احنا مش هنتأخر تانى متزعلش
صاحب المحل : طيب اتفضلوا شوفوا شغلكم .
همس: شفت انا عارفة من الاول انه مش هيقدر يستغنى عننا علشان تعرف بس ان كلامى صح
” اسلام ساب همس و خرج للصاله علشان يشوف طلبات الزباين “
و فجأة بتدخل موزة شكلها عجيب لابسة مينى جيب و بدى قصير اول ما شافت اسلام …. انتظرونا الحلقة القادمة
